ქუთაისის საერთაშორისო აეროპორტში ახალი, ყაზახური დაბალბიუჯეტიანი ავიაკომპანია FlyArystan შემოდის. ავიაკომპანია ყაზახეთიდან საქართველოში 3 მიმართულებით იფრენს. ესენია: ატირაუ, აქტაუ და ნურ-სულთანი.
საინაუგურაციო ფრენასთან დაკავშირებით ქუთაისის საერთაშორისო აეროპორში რამდენიმე წუთში მგზავრების დახვედრის ცერემონიალი გაიმართება, რომელთაც სიმბოლური საჩუქრები საქართველოს აეროპორტების გაერთიანებისა და DMO IMERETI – ს ორგანიზებით დაურიგდებათ.
ღონისძიებას ესწრებიან საქართველოს აეროპორტების გაერთიანების დირექტორი – თამარ არჩუაძე, სახელმწიფო რწმუნებული იმერეთის მხარეში ზვიად შალამბერიძე, ქუთაისის მერი იოსებ ხახალეიშვილი, მოადგილე ირაკლი ქარქაშაძე, DMO IMERETI აღმასრულებელი დირექტორი ტატო ლილუაშვილი და გუბერნიის და მერიის სხვა თანამშრომლები, FlyArystan-ის მმართველი დირექტორი ადრიან ჰამილტონი და FlyArystan-ის აეროპორტის სახმელეთო მომსახურების დირექტორი დანიარ უსკენბაევი.
