უკრაინასა და საქართველოს შორის ID ბარათებით მიმოსვლა პირველი მარტიდან იქნება შესაძლებელი. ეს ინფორმაცია უკრაინის საგარეო საქმეთა სამინისტრომ გაავრცელა.
“2019 წლის 1 მარტს ძალაში შედის უკრაინისა და საქართველოს მთავრობებს შორის განახლებული შეთანხმება სავიზო მოთხოვნების გაუქმების შესახებ. არსებულ უვიზო რეჟიმთან ერთად, დამატებით ამოქმედდება ID ბარათების ფორმის შიდა პასპორტების საფუძველზე ორი ქვეყნის მოქალაქეების ურთიერთმიმოსვლის დებულება“, – ნათქვამია უკრაინის საგარეო უწყების განცხადებაში.
